‘இன்றைக்கு, நிறைய பேருக்கு
ரத்தம் தொடர்பான பிரச்னைகள் அதிகரித்து வருகின்றன’ என்கிறது சமீபத்திய ஓர் ஆய்வு.
ஹீமோகுளோபின் என்பது நம் சிவப்பு இரத்த அணுக்களில் உள்ள இரும்புச்சத்து
நிறைந்த புரதமாகும். ‘ஹீம்’ என்றால் ‘இரும்பு’ என்று
அர்த்தம்.உணவில் இரும்புச்சத்து அதிகமாக இருந்தால், ரத்த
சிவப்பணுக்களின் எண்ணிக்கையும் அதிகமாக இருக்கும்.
நம் உடல் முழுவதும்
ஆக்சிஜனை கொண்டு செல்லும் பொறுப்பு இந்த புரதத்துடையதாகும். நுரையீரலில் இருந்து
உடலின் திசுக்களுக்கு ஆக்சிஜனை கொண்டு செல்லும் முக்கிய செயலை இது செய்கிறது.
இதனால் வாழும் அணுக்கள் சரியான முறையில் செயல்படக் கூடும். அணுக்களில் இருந்து
கார்பன்-டை-ஆக்ஸைடை எடுத்துச் சென்று, மீண்டும் அதனை நுரையீரலில் கொண்டு சேர்க்க ஹீமோகுளோபின்
உதவும். ஆரோக்கியமான வாழ்க்கையை வாழ்ந்திட ஹீமோகுளோபின் மிக முக்கிய பங்கை
வகிப்பதால், இரத்தத்தில் அதனை இயல்பான அளவில் பராமரிக்க
வேண்டியது அவசியமாகும்.
இயல்பான அளவு, கீழ்வருமாறு:
* வயது வந்த ஆண்களுக்கு 14 - 18 மி.கி./டெ.லி.
* வயது வந்த பெண்களுக்கு 12 - 16 மி.கி./டெ.லி.
ஹீமோகுளோபின் அளவு
குறையும் போது சோர்வு, வலுக்குறைவு, மூச்சடைப்பு, மயக்கம், தலை வலி, வெளிரிய
சருமம், உடையக்கூடிய நகங்கள், வேகமான
இதயத் துடிப்பு மற்றும் பசியின்மை போன்ற பிரச்சனைகளை உண்டாக்கும். ஹீமோகுளோபின்
அளவு வெகுவாக குறைந்தால், அது இரத்த சோகையின் அறிகுறியாக
இருக்கலாம்.
பெண்களுக்கு
கர்ப்ப காலத்திலேயோ
அல்லது மாதவிடாய் காலத்திலேயோ பெண்களுக்கு ஹீமோகுளோபின் அளவு குறைவாக இருப்பது
இயல்பான ஒன்றே. இருப்பினும், அதற்கு பின்னால் வேறு பல காரணங்களும் இருக்கலாம். அதில் மிக முக்கிய
காரணங்களாக கருதப்படுவது இரும்புச்சத்து, ஃபோலிக் அமிலம்,
வைட்டமின் சி மற்றும் பி12 குறைபாடுகள்
தான்.
ஹீமோகுளோபின் அளவை இயற்கையான முறையில்
அதிகரிப்பதற்கு சாப்பிட
வேண்டிய உணவுகள் இந்த வீடியோவில் உள்ளது.
